بما ان حضرتى أليطه و مش عاجبنى و لا تمبليت من بتوع بلوجر
قلت أطلع مواهبى الفنيه الدفينه (:
قمت قلبت عمو بلوجر و لطشت منه تمبليت الراوندز
و اضفت عليه لمساتى السحريه الخاصه
يلا قولولى أبدعت و لا عكيت (:
و بالنسبه للحته الفاضيه اللى فوق دى ... الصراحه مش عارفه أعمل فيها ايه
بس اللى يحب ييجى يلعب ماتش كوره فيها يتفضل
بس حاسبوا الكوره تيجى فى القوائم ... أنا تعبانه فيها
و أحب أشكر طاقم العمل المجتهد بتاعى
فوتوشوبى حبيبى
( تعب معايا جامد الصراحه فى حكايه الراوندز دى )
و زهرات التيولب الحلوين دول
( بهدلتهم برضه و قصيت حواليهم و بتاع )
و موقع media fire
( ده موقع رفع ملفات جامد جدا و أحلى حاجه انه ببلاش (: و استحملنى جامد برضه رفع و روابط و حاجات كده )
و كانت هذه هى النتيجه النهائيه
يلا قولوا رأيكوا بصراحه ... انا بحب الصراحه و بنادى بحريه الرأى
( بقولكم ايه انا قعدت ساعه اعمل فيه يعنى اللى حيفتح بقه و يقول مش عاجبنى هو حر )
و ده طبعا أساس الديموقراطيه و الشفافيه اللى بيننا (:
يلا سلامااااااات
و كل سنه و انتوا طيبين (:
هناك 48 تعليقًا:
السلام عليكم..
اولا كل سنه وانتي الى الله أقرب..
والتمبليت جميل جدا..
كل سنة وانتى طيبة
m.k
و عليكم السلام و رحمه الله و بركاته (:
كل سنه و انتى طيبه و احنا الاتنين الى الله أقرب
الحمد لله انه عجبك (:
و مرسيه على التعليق
عتبه واحد
و انت طيب و بألف خير
مقلتش رأيك فى التمبليت يعنى ؟؟
يلا مش مشكله ... كفايه انك نورتنى (:
مرسيه على التعليق
دعاء ازيك يا جميلة
مبروك يا ستي التمبليت الجديد .. و عقبال جهازك كدة ان شاءالله
كل سنة وانتي طيبة .. و رمضان كريم عليكي ان شاء الله
هي كليتك في انهي مدينة .. انت كدة هتقضي جزء من رمضان بعيد عن أهلك ؟؟
ربنا معاكي ان شاء الله
انا مش هتكلم
انا جاى اخد فانوسى ومروح :D
كل سنة وانتى طيبة
ويارب يكون رمضان فتحة خير عليكى وعلينا كلنا
الف مبروك
اول مرة ادخل عندك الاقيكى قالبة المدونة راسا على عقب
بس بجد تصميم رائع ماشوفتوش قبل كده
بس عدلى بس اللون اللى تحت البوست اللى بيتكتب بيه عدد التعليقات والتسميات عشان مش واضح
الف مبروك كمان مرة ورمضان كريم
ياسمينه الأجمل (:
الله يبارك فيك يا جميله و كل سنه و انتى طيبه ...
كليتى يا ستى فى محافظه المنوفيه فى مدينه شبين لو تعرفيها ... هى مش بعيده أوى عن طنطا يعنى بس بسافرلها نص ساعه بالأتوبيس
هى الدراسه فى 20 سبتمبر ان شاء الله و لسه انا معرفتش جدولى بس متهيألى أول أسبوع مش حيبقى دراسه جامد يعنى ...
لسه حشوف و حبقى اخطف رجلى كام يوم كده أشقر عليهم بس انا حبقى ارجع اخر النهار ان شاء الله لأن معظم محاضراتى بدرى ...
مرسيه على السؤال يا جميله و ربنا مع الجميع (:
سفاح (:
معندناش فوانيس يلا هوينا ...
----
لأ طبعا طبعا بهزر هزار رخم من بتاعى (:
فانوس واحد بس ده حضرتك ليك شوال فوانيس بحالهم ... أقولك خد البلوج كلها متغلاش عليك
كل سنه و انت طيب و رمضان كريم عليك
Abu Shahin
طب مش كنت تقول انك جاى كنت سرعت شويه فى الكنس و التنفيض (:
نورت طبعا و ربنا يخليك و الحمد لله انك عجبك ...
اه و الله اللون ده مضايقنى برضه بس أصله لون اللنكات كلها عامه فمش قادره أحدد لون يكون كويس
بس حااااااضر ... نصيحه حضرتك قيد التنفيذ (:
و الله يبارك فيك و كل سنه و انت طيب
بالرغم من صغر سنك
لكن طريقة كتابتك وسردك للاحداث
جيدة جدا
بل تتفوقي علي الكثيرين ممن قارفينا ليل نهار في مدوناتهم بمواضيع التسبيل والسهتنة
عليكي فقط بمزيد من القرأة والاطلاع
لكي تزيدي من حصيلتك اللغوية
سعيد بزيارة مدونتك
جعان باشا (:
يا دى النور يا دى النور
دى شهاده من حضرتك أعتز بيها جدا
بس على فكره أنا برضه بسبل و أستهن بس على طريقتى الخاصه (:
و القراءه دى هوايتى يعنى مش هروح بعيد
أنا أسعد طبعا بزياره حضرتك لمدونتى
و كل سنه و انت طيب
السلام عليكم
والله التيمبليت جميلة الألوان متناسقة والبانر جميل جدا على فكرة
كل سنة وانتى طيبة ورمضان كريم :)
Foxology
ده بس عشان ذوقك حلو زيى بالظبط (:
و انت طيب و رمضان كريم عليك
نورت مدونتى
كل سنه وانت طيبه وبالتوفيق فى مدونتك الجميله
ومتشكر ان حضرتك انضميتى للجروب بتاعنا وكمان حطيتى الكود بس انا مستغرب انك مضفتيش مدونتك فى الفهرس رغم انك حطيتى الكود .. ياترى تحبى تنضمى للفهرس معانا وليك وجهه نظر تانيه
تقبلى خالص تحياتى
دكتور/ ايمن القناوى
لأ أبدا أنا اتشرف طبعا انى انضملكم بس أنا قلت يعنى ان مدونتى لسه جديده و البوستات فيها مش كتيره و الصراحه كل المدونات فى الفهرس عمالقه (:
بس حاضر انا جايه انضم حالا
أروح بس أصلى الضهر و أجى علطول (:
و كل سنه و انت طيب
كل سنة و إنت طيبة
رغم إني مش بحب اللون الأحمر بس التمبليت حلو خصوصا التلات وردات اللي فوق
:))
يَحيى المِصري
مرسيه ربنا يخليك مع ان ده نبيتى و حياتك (:
كل سنه و انت طيب و نورت المدونه
اولا كل سنه وانتي طيبه
ثانيا تمبليت جميل طبعا
ابدعتي تبعا
تحياتي
كيارا
مرسيه يا جميله و مبسوطه انه عجبك (:
كل سنه و انتى طيبه و رمضان كريم عليكى
و أهلا بيكى فى مدونتى المتواضعه
لا تيمبليت صايع صايع يعني
ومبروك عليه
بس حاسبي العرض
هههههههههههههه
كل سنة وانتي طيبة
تحياتى يا دعا على التيمبليت الأكثر من رائع..... رأيي الشخصى-الذى لا يجب ان تأحذى به لأنه فى الاغلب سيكون كارثيا-أن تتركى المساحة الخالية اياها كما هى..... بلونها الاسود الداكن, تعطى المدونة رونقها الخاص .
كل سنة وانت طيبة.... ورمضان كريم عليكى وعلينا
تحياتى
amgad
أخجلت تواضعى يا أخى (:
متشكره خالص على التعليق
كل سنه و انت طيب و رمضان كريم عليك
عمرو
ما تخافش رأيك مش كارثى و لا حاجه بالعكس ده نفس رأيى
أنا كمان قررت أسيبها فاضيه اهو أحسن من الزحمه (:
مبسوطه ان التمبليت عجبك و نورت مدونتى المتواضعه
كل سنه و انت طيب و رمضان كريم عليك
كل سنة وأنتى طيبه يا دعاء
وتقبل الله منا ومنكم
وكل عام وأنتم بخير
صدفه هايله اللى مررتنى من هنا وبجد تمبليت حلو ومدونه رائعه
كل سنه وانت طيبه
http://goldentours-tanta.blogspot.com/ كورس حجز واصدار تذاكر الطيران بطنطــــــــــــا
كل سنه وانتي طيبه ياقمر والتمبليت جمبل جدا
الحشرى - سيد يونس
و أنت طيب و بألف خير يا رب
و رمضان كريم عليك (:
nabil
ما أحلاها صدفه ... يا أهلا و سهلا
مبسوطه انك حبيت تمبليتى (:
نورت مدونتى المتواضعه و رمضان كريم عليك
جولدن تورز طنطا
و الله الواحد بيفكر يسافر يلف لفه فى العالم كده بس منيييين ؟؟ (:
لو حسافر أكيد حبقى أجى أقولكم
رمضان كريم
حاسوباتيه
و أنتى طيبه يا جميله و ربنا يخليك يا رب (:
رمضان كريم على عيونك
عجبتنى اوى تدوينة لشخص واحد
تحياتى
ahmed_h
متشكره يا أحمد و اسفه انى قافله التعليقات عليها بس ده عشان هى زى ما بيقول اسمها ... تدوينه لشخص واحد ...
دعاء .. جميلة أوي تدوينة لشخص واحد .. اسلوبك جميل أوي .. دا انت طلعتي رومانسية بجد :-)
ربنا يخليك يا ياسمين يا رب ...
أدينى بحاول (: و مبسوطه انها عجبتك
متشكره على التعليق الرقيق
اول زيارة
وبجد تسلم ايدك
انا بس ليا سؤال واحد
ليه مش فاتحه التعليقات على البوست الأخير؟؟؟
علشان هوا لشخص واحد؟
بجد لو كدا
يبقى يا بخته بكل الحب دا
وكل سنه وانتى بالف خير
blue-wave
هى فعلا لشخص واحد بعيد عنى من فتره و عايزه أقوله كلام كتير بس مش عارفه أوصله ...
حبيت أهديهاله و قفلت التعليقات عليها لأنها مهداه مش محطوطه لعرض كتاباتى أو أسلوبى فى الكتابه ... بس
و على أى حال مبسوطه انها عجبتك
و نورت المدونه (:
التيمبليت يا فندم جميل ...
محدش يقدر يعترض ... !!
( أصل إحنا فـ مدونة ديموقراطيه )
هههههههههههههههههه
لا بجد حلو و بعدين كفايه انه صناعه بيتيه ..
التيوليبس عسل خالص خالص ... :$
بس النبيتي ده مش مستريحاله قوي .. :(
حاساه غامق شويه ... !!
----
ملحوظه : عندنا حاسبات بتبدأ أول يوم ... !! D:
الله أعلم بقى عندكم ايه ...
ربنا معاكي يا قمر ... (f)
fOsDö2ä
يعجب يعنى ؟؟ طب الحمد لله (:
أنا بعشق زهر التيولب ده و عشان كده فكرت فيه أول ما قررت أعمل التمبليت بنفسى ...
و غلاوتك دى افتح درجه نبيتى فى مربع الألوان عند عمو بلوجر ... ده فيه درجه غامقه جدا بس محبيتش انى احطها ... متهيألى كمان لو فتحته أكتر ممكن يضايق العين فى القراءه
---
على كلام ابن عمتى _اللى هو فى نفس الكليه_ محدش بيشرح حاجه أول أسبوع و السنه دى كمان بالذات حيأنتخوا بزياده عشان رمضان ... و الله أعلم
عموما أنا كده كده رايحه أستكشف و حبقى اجى أقول (:
مرسيه يا حلوه على كل التعليقات الحلوه زيك دى ...
نورتى المدونه الصغنتوته بتاعتى
التمبلت رائع رائع بجد عقبلنا كدة لما نعرف نعمل واحد
أنتى مدونتك كلها زى العسل بجد و أتشرفت جدا أنى زرتها
its very nice especialy the tulipe
i wanted 2 add that ur last post is very heart felt and toouching bt its not open for public comment so i wrote my comment here
kol sana w enty tayba
انا ودماغي
يا رب تعرفى تعملى واحد أحسن من بتاعى كمان (:
و أنا كمان مبسوطه جدا انك شرفتى مدونتى بالزياره و يا رب تنورينى دايما
رمضان كريم عليكى
هى و هو
Thanks alot for your nice words about my last post
and I`m very pleased that you loved my tulips (:
kol sana we enty tayba too (:
اول مرة اري مدونتك ولي عودة ان شاء الله
وكل عام وانت بخير
كلام حسام
تنور طبعا فى أى وقت (:
كل سنه و انت طيب
دعاء، أنا كنت عاوز أغير البانر بتاعي، عملت بانر جديد نفس مقاس الأصلي بالضبط، بس لما بحطه بلاقيه ضرب وبقي أكبر من مقاس الصفحة.
عندك فكرة أعمل ايه ؟
أحمد على
الرد فى مدونه حضرتك و يا رب أكون أفدت (:
و لو فيه أى اسئله تانيه اتفضل ...
إرسال تعليق