يستمر الجميع فى ترديد هذه الجمله على مسامعى منذ بدأ هذا الرمضان
" رمضان ماعادش زى زمان "
الجميع يحس حنينا الى شئ ما ... الجميع يفتقد شيئا ما ...
و الأغلبيه لا تدرى ما هو هذا الشئ ...
هناك شعور بطعم غريب فى الجو ... طعم لا يحمل احساس الأيام الرمضانيه ... بل بضعه أيام عاديه ربما أكثر من اللازم ... لا يفرقها عن أى أيام أخرى سوى بضعه ركعات اضافيه تلى صلاه العشاء ...
الكل يكاد يقسم لك أن رمضان كان أحلى حين كان أصغر ... فى رأيى كل شئ كان أحلى حين كنا كلنا أصغر ...
حتى أنا تنقصنى بعض من مفردات رمضانيه تعودت أن أحياها كل عام ...
لكننى مصممه على الاستمتاع بهذا الرمضان ... سأخلق لى مفردات جديده خاصه بى ...
للمره الأولى أدرك أن كل مفرداتى الرمضانيه كانت هناك من قبل ... كانت لآخرين قبل أن تكون لى ... اذن فلأصنع مفرداتى الخاصه ...
بضع من مفردات تخصنى أنا و حسب ...
كوب الشاى بالنعناع بعد صلاه التراويح ...
صوت الشيخ السديس يدوى باكيا بالدعاء فى أشرف بقاع الأرض عبر التلفاز ...
مذاق طبق الفول بالحمص و الطحينه فى السحور ...
السحور أمام قناه الرسوم الكارتونيه كل يوم ...
استنشاق الهواء خارج الشرفه عند أذان الفجر ...
الجميع يحس حنينا الى شئ ما ... الجميع يفتقد شيئا ما ...
و الأغلبيه لا تدرى ما هو هذا الشئ ...
هناك شعور بطعم غريب فى الجو ... طعم لا يحمل احساس الأيام الرمضانيه ... بل بضعه أيام عاديه ربما أكثر من اللازم ... لا يفرقها عن أى أيام أخرى سوى بضعه ركعات اضافيه تلى صلاه العشاء ...
الكل يكاد يقسم لك أن رمضان كان أحلى حين كان أصغر ... فى رأيى كل شئ كان أحلى حين كنا كلنا أصغر ...
حتى أنا تنقصنى بعض من مفردات رمضانيه تعودت أن أحياها كل عام ...
لكننى مصممه على الاستمتاع بهذا الرمضان ... سأخلق لى مفردات جديده خاصه بى ...
للمره الأولى أدرك أن كل مفرداتى الرمضانيه كانت هناك من قبل ... كانت لآخرين قبل أن تكون لى ... اذن فلأصنع مفرداتى الخاصه ...
بضع من مفردات تخصنى أنا و حسب ...
كوب الشاى بالنعناع بعد صلاه التراويح ...
صوت الشيخ السديس يدوى باكيا بالدعاء فى أشرف بقاع الأرض عبر التلفاز ...
مذاق طبق الفول بالحمص و الطحينه فى السحور ...
السحور أمام قناه الرسوم الكارتونيه كل يوم ...
استنشاق الهواء خارج الشرفه عند أذان الفجر ...
هذه مفردات لرمضان شخص واحد هو أنا ...
و أنت ... ان كنت ممن يشعرون أن شيئا ما ليس صائبا ...
و أنت ... ان كنت ممن يشعرون أن شيئا ما ليس صائبا ...
حاول أن تبحث عن مفرداتك الخاصه :)
هناك 26 تعليقًا:
مفردات رمضان الخاصة بي
صوت تواشيح الشيخ نصر الدين طوبار
و صوت الشيخ الحصري و هو بيقرا سورة مريم
اللي بحس براحة نفسية غريبة و أنا بسمعها
كوباية العرقسوس الساقعة بعد الفطار على طول
:)
بجد فعلا الناس ضيعوا طعم رمضان بكلامهم ده يمكن يكون أحلى زمان فعلا بس رمضان السنة دي حلو وانا حاسس بيه تمام وطعمه جميل جدا الواحد عشان يحس برمضان يغير نفسه فيه يعبد ربنا أكتر يخلق لنفسه جو روحاني أكبر يرسم لنفسه صورة جديدة لحياة طعمها أحلى رمضان أجمل الشهور ولازم نعيشه كده
كل ودي لك
على فكرة والله العظيم أنا بأتبسط جدا لما أدخل المدونة دي جدا حبيتها خالص خالص خالص..ربنا يديمها يارب وما تنقطعيش عن التدوين فيها بنفس روحك المتفائلة..
كل ودي سيدتي الكريمة
بالنسبه لي ارى أن رمضان يفتقد للنقاء.....
فالناس ملأة طوال العام بما لايحصى من كل ما يكدر الخاطر...
على فكره أنا عندي حاجتين زيك...
الاستماع للشيخ السديس و المعيقلي والشريم..
في صلاة التراويح من مكه المكرمه...
وكباية النعناع..
دمت بخير..
رمضان شهر كريم
له نفحات خاصه
لكى نتعرض لها
يبقى الاستعداد
يبقى من 6 شهور
قبل قدوم الطيف
علشان كده نفحاته
ناس كتيره مش حسها
بس النفحات لسه موجوده
لو غوصنا جوه قلوبنا
وطهرنها
الجميل يعود اكثر اشراقا
تحياتى على مفرداتك الخاصة مع تمنياتى بنيران صديقة بنفحات رمضانيه تشعرى بيها
حلوة المفردات دى
تحياتى
رمضان كريم بس مش للمصريين
لانهم كسالى تعبانين مستسلمين
يَحيى المِصري
مفرداتك جميله جدا
يا ريت تتشبث بيها و متتخلاش عنها أبدا (:
ربنا يوفقك
كاتب مصري
فعلا احنا اللى بنخلق الجو اللى عايزين نعيش فيه مش حد تانى
مبسوطه جدا انك حبيت مدونتى و تنورها فى أى وقت و ان شاء الله مش هبطل تدوين أبدا (:
M.K
كده بصرتين فى المفردات (:
هو بس لو كل واحد حضر قلبه لرمضان كنا حسينا بيه أكتر بس المشكله انه زارنا و احنا غافلين ...
ربنا معانا يا رب
و متشكره جدا على زيارتك
blue-wave
مبسوطه انها عجبتك (:
نورتنى
ABOALI
عندك حق جدا
فكرتنى بمقوله كانت بتتكلم عن ان صحابه الرسول صلى الله عليه و سلم كانوا بيقضوا نصف العام الأول قبل رمضان يدعون ربهم أن يبلغهم هذا الشهر الكريم و يقضون باقى العام بعده يدعون ربهم أن يتقبل منهم ما فعلوه فيه ...
بس معلش ... ان شاء الله يكون فتحه خير على الناس كلها و ربنا يتقبل منا و منكم ...
متشكره جدا على الزياره (:
يوميات مواطن مصرى
بس مش كل المصريين برضه ... ما شاء الله فيه ناس ربنا فاتحه عليها بس هو فعلا المعظم كسلان و الكسل ده حاجز بيننا و بين ربنا ...
ربنا يجعلنا و يجعلكم من أقرب الناس اليه و يبعد عنا الكسل يا رب ...
متشكره على زيارتك الكريمه
جميلة أوي التدوينة دي يا دعدع.. عجبتني أوي لأن فعلا في ناس بتتكلم عن كل حاجة حلوة و كأنها كانت موجدة زمان بس و خلصت.. مش بس رمضان، في معاني تانية كتير ..
جميلة المفردات بتاعتك .. و ربنا يتقبل منا رمضان ان شاء الله
انتي بجد أولي حاسبات ؟!
معلش خرجت بره موضوع البوست بس اصل انا كمان حاسبات
أنا عن نفسى شايفة إن رمضان كل سنة بيحلو ....كفاية أنه شهر بيغسل كل القرف اللى بنكون فيه
و رمضان أحلى شهر فى السنة بس الرك على اللى يحس بيه
بصراحه عندهم حق السنه دى والسنه اللى فاتت محستش بيهم برمضان اللهم الا الصلاه وقراءه القرأن لكن كان بيبقى كدا للجو ريحه مميزه خصوصا الوقت بتاع قبل الفطار واللمه على السفره برده لكن دلوقتى بقيت بحس بملل وروتين
بس حلوه حكايه كبايه الشاى بالنعناع هقوم اعمل واحده بقى
ياسمينه (:
ان شاء الله ربنا يتقبل منا و منكم
و يا رب منبطلش ندور على مفرداتنا الخاصه فى أى حاجه مش بس رمضان زى ما قلتى ...
نورتينى يا جميله
عاقلة علي ارض الجنون
أى نعم يا فندم العبده لله أولى حاسبات
و انتى كمان ؟؟ معلومه جديده دى (:
نورتينى و انتى تطلعى عن موضوع البوست براحتك خالص (:
انا ودماغي
فعلا اللى بيحس بيه هو اللى بيستمتع بيه بجد و بيلاقيه أحلى شهر فى السنه
مرسيه على الزياره يا جميله
نورتينى (:
سمر الشافعى
هى الريحه دى يا سموره اللى الواحد بيتكلم عليها ... مش عارفه راحت فين ... يمكن تغير المناخ ليه علاقه بالموضوع (:
ما تنسيش تعمليلى كوبايه شاى بنعناع معاكى (:
نورتينى
أعتقد أن رمضان هو رمضان
لكن الناس إللى طباعها إختلفت
معطيات الزمن إللى إختلفت
حضرتك طرحتى سؤال مهم : هو إيه اللى إتغير؟؟
يمكن مثلا إسهال المسلسلات اللى بيصاب به التلفزيون المصرى؟؟
يمكن الأسعار؟؟
ولا إيه بالظبط
لو فيه تغيير إحنا حسينه يبقى إحنا السبب فيه على فكرة
تحياتى
رمضان للأسف هـ يخلص خلاص ... !!
كل سنة و انتِ طيبة بقى ...
إلا انتِ فين بقى ... ؟؟!!
مستنياكي هناك .. ممكن ... ؟؟!!
http://fci-bloggers.blogspot.com/
عايزين بوست جديد بقى هنا و هناك .. D:
دي حتى الدراسه بدأت .. !! D:
كل سنة و أنتى طيبة يا دودو
و عيد سعيد عليكى بإذن الله
أبلة نظيرة
و الله انا نفسى أعرف الاجابه على السؤال ده بس شكلى هموت قبل ما أعرف
و أكيد طبعا ان أى تغيير مش هيحصل لوحده لازم احنا على الأقل نبدأه
متشكره على تعليق حضرتك و أسفه انى اتأخرت فى الرد
FCI's Students
ايه يا فسدقه غيرت الاسم ليه ؟؟ (:
كل سنه و انتى طيبه يا جميله
حلوه جدا فكره المدونه بس احنا لازم يكون عددنا أكبر و عن نفسى أنا مستعده أشارك بس هو أنا كان عندى مدونه ناويه أكتب فيها عن كليتى و كده بس كنت قافلاها و ناويه أفتحها ...
و عشان أنا مبحبش أكرر الموضوعات ممكن أفكر فى بوست جديد معاكى و كمان هحاول اشوف حد عندنا فى الكليه يكون عنده حاجه عايز ينشرها ...
أى خدمه تانى يا فندم ؟؟ (:
نورتى ...
أنا و دماغى
و انتى طيبه يا قمر و عيد سعيد عليكى
و اسفه و الله انى معيدتش عليكى بس النت كان ضارب عندى خالص (:
نورتى ...
إرسال تعليق