للأشياء الاستثنائيه لحظات استثنائيه خاصه بها ... كثيرا ما تجد نفسك تفكر :
لو لم أذهب الى ذلك المكان لما قابلت ذلك الصديق ... و لو لم أعرج على تلك المكتبه لما تعثرت فى ذلك الكتاب ... و لو لم أغير طريقى بالصدفه و أمر أمام واجهه ذلك المحل الذى لا أعرفه لما لمحت ذاك الشئ الذى كنت اتمنى شراؤه ...
لكنك تعرف بداخلك أن الأقدار ساقتك الى هناك ... أن تلك اللحظه المحدده من الزمن صنعت خصيصا لأجلك ... لحظه تدرك أنها تفوق أى خطط كنت لتضعها و أى توقعات كنت لتقوم بها ...
" أنا لست وحيدا فى هذا العالم ... ربى معى فى كل خطوه يرشدنى و يحمينى "
تؤمن بذلك بشده فى لحظات كهذه ... يسعدك ذاك اليقين فى داخلك ... يملأك بالحياه لتمضى و تكمل الطريق ... تتحمل بصبر كل تلك اللحظات الاعتياديه المتشابهه ... انتظارا للحظه استثنائيه أصبحت تصدق الآن أنها ... ستأتى !
هناك 25 تعليقًا:
فى معظم الاوقات قد نتمنى ان يرجع الزمان بنا الى الخلف لقد نستثمر اللحظات التى اضعناها بلا فائده ولنحولها الى لحظات قد تغير مستقبلنا
ولكن كما قولتى انه القدر الذى لا نستطيع ان نتحكم فيه
انها الاقدار ولكننا لنا حرية الاختيار
فينا من يكشف ما تحتويه وفينا من لا يدرك
فتقع منه
العقول كالباراشوت يجب ان تفتح
لكى نحكم على ما هو واقع وما هو استسنائى
تانى تعليق ليا فى مدونتك
وبجد بجد جمييييييلة
فيلم
the curious case of benjamin button
ناقش الحته دى فى جزء بسيك من الفيلم
بس عملها باقتدار
بس فى النهايه
أى حاجه بتحصل للواحد فهى خير
ولازم أى حاجه تحصل تحمدى عليها ربنا
تحياتى
ليس هناك شئ اسمه الصدفه
ولكنه القدر
هو الله عز وجل
تحياتى
"مافيش حاجة بتحصل من غير سبب.. ربنا مسبب الأسباب.
مافيش حاجة بتحصل من غير سبب.. ربنا مسبب الأسباب.
مافيش حاجة بتحصل من غير سبب.. ربنا مسبب الأسباب."
دا اللي بافضل أقوله لنفسي بعد كل لحظة استثنائية.
على فكرة أنا كمان باستنى اللحظات دي.. وبابقى حاسة بيها وعارفة انها قربت .
لأن أصلا:
مافيش حاجة بتحصل من غير سبب.. ربنا مسبب الأسباب.
دمتِ دعاءًا:)
عزيزتى دعاء
فعلا كل شئ قدر
يارب اللهم رضنابقضائك
سلمت يداك
تحياتى
فعلا يا دودو .. مفيش حاجة بتحصل بالصدفة .. وكل حاجة ربنا بيرتبهالنا، ودي فعلا نعمة كبيرة قوي .. وبتخلي الواحد مطمن "لكيلا تحزنوا على ما فاتكم ولا ما أصابكم"
آل عمران
انها هى الاقدار
وهى مقسمومة لنا من قبل ميلادنا
ومكتوبة وكل شخص مقدر له قدره
فمهما كنت فسياتيك قدرك ولكن يجب ان تسعى فقط
ونعلم جيداً ان قضاء الله لا ياتى بشر
تحياتى
يا رب تجيلك اللحظة الاستثنائية اللي مستنيها لحد عندك.و ان شاء الله زي ما انتي متخيلاها.
إزيك يا دودو .. ممكن تديني الميل بتاعك؟؟
أحييكى يا دعا
أقدّر دوما من يرى"ما وراء اللحظة"..
ألا يتعامل معها كشئٍ مُسَلَّم به... ستذهب وتأتى غيرها وانتهى الأمر !!
"أن تلك اللحظه المحدده من الزمن صنعت خصيصا لأجلك"
جميل !
تحياتى مضاعفةً ! :)
بالمناسبة, ما رأيك فى (ن)(سحر الموجى) ؟
لأنى" لسه مخلصها امبارح" !
:)
romansy
لأنى مبحبش الندم على حاجه عدت
بحاول أعيش اللحظه فى وقتها
متشكره جدا (:
ABOALI
العقول كالباراشوت يجب ان تفتح
حلوه أوى (:
BASMA
انتى أجمل يا بسمه
نورتى يا جميله (:
blue-wave
صح جدا (:
OSS
للأسف لسه مشفتش الفيلم بس سمعت عنه كتير
و طبعا الحمد لله على كل شئ
متشكره جدا
كأننى أنا
أنا بستناها دايما بس عمرى ما بعرف هى جايه امتى
أصلا أكتر حاجه بحبها فيها ... فجائيتها (:
نورتى يا قمر
ياسمين
متشكره على الآيه القرآنيه الجميله
بجد اقتباس جميل و فى وقته أوى
يخليكى ليا يا قمر (:
zainab
اللهم آمين
متشكره جدا ليكى و نورتى بجد (:
mo5tar
و نعم بالله يا باشمهندس
نورتنى جدا (:
mohamed talaat
هى مش لحظه واحده .. هما كتير
أمنيتى الوحيده انهم ميخلصوش أبدا
متشكره جدا (:
ياسمين
وصل يا ستى (:
انتى عارفه انى برد على التعليقات متأخر لأن النت كان فاصل و الصفحه مكنتش بتحمل
أنا بجد آسفه جدا يا جماعه
يا رب ما تزعلوا (:
عمرو
لا تتخيل كم سعادتى انها أعجبتك
أحلى ما فى أى لحظه هو ما وراء اللحظه على حد تعبيرك (:
نون حلوه جدا .. مليئه بالتفاصيل و أنا أعشق التفاصيل أينما كانت ... بعيد قراءتها دلوقتى للمره التانيه و الشخصيات لها مذاق مختلف تماما بعدما تعرفت على تفاصيلها كامله ...
عارف عايزه أعمل ايه ؟ عايزه أشد الرحال لكليه آداب القاهره و أقابل سحر الموجى (:
إرسال تعليق