كدأب أى أنثى ... أحب التسوق ...
عادتى أن تسألنى البائعه عما أريد فأجيبها لا أدرى ... أرينى كل شئ لديك ... لا أسرف فى الشراء لأن ذوقى غريب قليلا ... لا تعجبنى الأشياء بسهوله ... الشئ الذى يحقق معادلتى الصعبه يكون قد فعل المستحيل حقا ...
عاده ما يكون الأمر أن :
هذا اللون يجب أن يكون أغمق بدرجه ... هذه الانحناءه لا تعجبنى ... هذا الزر يجب أن يكون يسارا ... هذا القماش ممل الملمس ... هذا القماش يسبب لى القشعريره ! ... لم وضعوا هذا الحزام ؟! ... ان هذا الشئ يبدو بشعا!
حقيقه أود الاعتراف ...
بالنسبه لأى بائع _ خاصه بائعى الملابس _ أنا لا أطاق أبدا ! (:
هناك 33 تعليقًا:
بمناسبه الموسم الصيفى ! (:
رغم انى تقريبا كده بس اكتر حد بيبقى صعبان عليا مش اللى بيبع ولا حاجة لأ ده اللى جاى يشترى معايا
وعشان كده فى الغالب بشترى لوحدى:) رفقا بمن احبهم
ههههههههههههههه
ربنا يكون فى عونهم اللى يقعو فى ايديكى
بس خلى بالك لو كانو ماسكين حاجه فى ايديهم حاجه تلاقيها
جاتلك مرة واحده
هههههههههههههه
سلاموز يا باشمهندزة
:)
هو البس الصيفي نزل ولا لسه......؟
ياطول بالك
انا بشتري وانا مغمضه تقريبا
كلكم كدا بس بدرجات مختلفه:))
المفروض البوست ده يطبع ويتوزع على المحلات مع صورة ليكى
هههههههه
دمتى فى حفظ الله
انا شايفة ان بائعي الملابس اللي بتشتريها هم اللي يجاوبوا ...
يا يادودو .. حمد الله على السلامة ..
أهو دي ميزة التفصيل، في الأول كنت بستصعبه، بس اكتشفت إنه أحسن حاجة، إنك تفكري وتألفي وتعملي الحاجة إللي على مزاجك .. بس ده يتطلب ترزي كويس ..
بس فعلا اللبس في المحلات بقى عجيب .. ربنا معاكي ..
إيه الرغي ده يا ياسمين، إسكتي بقه زهقتي البنت :-)))
تانى هقولك طريقتك فى الكلام تحفة تعبيراتك مالهاش حل...من الاخر جميييييييييييييييييل اوى اسلوبك
اعتقد بتقرى لدكتور احمد خالد توفيق
تحياتى يا دعا :)
تهنئة أولى بحلول الصيف وثيابه..أحب هذا الفصل بالفعل :)
تنهيدة مرهقة ثانية,واستنكار متوقع من الطريقة الأنثوية المعتادة فى الشراء...
لا أعلم, لكنى فعلا لم أعد أبتاع شيئا بصحبة أمى لهذا السبب.. أتحجج دوما بـ"أنا كبرت يا أمى".. لكن السبب الحقيقى يكمن فى تلك النقطة....
من خلال أحاديث أصدقائى اكتشفت أن معظمهـ"ن" على تلك الحالة, بينما معظمهـ"م" لا يهتمون بها من قريب أو من بعيد..
ولا أدرى السبب صراحةً.... :)
تحياتى لكِ.., لا أعلم ان كانت ميزة أو عيبا, لكنها سمة للضخصية على أية حال !
:)
كل سنة وانتِ طيبة :)
طيب كويس طمنتينى ونبهتينى انى مفتحش محل هدوم فى المستقبل او مشتغلش بياع :D
فينك
موناليزا
بصراحه كلهم بيصعبوا عليا و ساعات لما بلف كتير و فى الآخر مشتريش حاجه بتصعب عليا نفسى هى كمان (:
نورتى يا قمر
mo5tar
أكيد طبعا ببقى متيقظه جدا تحسبا انهم يحدفونى بأى حاجه (:
العمر مش بعزقه يا باشمهندز (:
منور
عاشقه و غلبانه
يعنى بادئ ينزل لسه بس المعظم جابه
أهو أنا نفسى أعمل زيك كده و لو مره بس بجد مبعرفش مبعرفششششش !!! (:
برضه انتى جربى تفتحى و ترخمى على الخلق شويه (:
نورتى يا قمر
blue-wave
الصراحه مقدرش أنكر (:
يمكن تكون حاجه فى الهرمونات الأنثويه !!!
I guess we will never know
نورت يا دوك (:
مسدس صغير
و طبعا wanted dead
و بمكافأه مغريه جدا كمان (:
ربنا يستر !!!
نورت
kochia
للأسف مش فاضيين يدخلوا على المدونه لأنهم بيتعالجوا من الضغط و السكر اللى أنا جبتهولهم (:
و كمان عمرهم ما هييجوا يدوروا عليا برجليهم ده ما بيصدقوا أنكشح من المحل (:
نورتينى يا قمر
ياسمينه
الترزى ده بأه هو الانسان الوحيد اللى بيخلص تار بتوع المحلات و اللى بعمله فيهم
بجد عمرى ما طلبت حاجه و اتنفذت زى ما كنت عايزاها ... دايما في حاجه بايزه
متهيألى اتجهت للجاهز لانى بكده ببقى بشل ناس تانيه بدل ما أشل نفسى مع الترزى (:
نورتينى يا سمسمه و انتى ترغى براحتك يا قمر و عمرى ما هصدع و لا أقولك كفايه (:
enjy
ما تعتقديش ده أكيد (:
د.أحمد خالد توفيق هو بدايه الرحله بالنسبه لى و متابعاه بصوره فظيعه حتى انى لما بشوفه فى الشارع بمشى وراه (:
متشكره جدا على كلامك الجميل و يا رب دايما تنورينى و ترفعى معنوياتى كده (:
عمرو
طبعا الحاجه الخير و البركه بس من سابع المستحيلات انى آخدها معايا و أنا بشترى أى حاجه
أولا لأنها متقدرش على كل اللف اللى بلفه ده و بتبقى عايزه تخلص من أول محل (:
و ثانيا لأن ذوقنا متضارب بشكل غريب بس عامه فى الأول بس لأنها بعد كده بتقتنع برأيى لما تشوف الحاجه عليا و تعجبها
فعلا عمرك ما هتعرف تلاقى مبرر للحالات اللى زى دى (:
بس زى ما بيقولوا
I certainly admire the problem
بجد معجبه بالحاله جدا لان رغم صعوبتها الا ان الحاجه اللى بستقر عليها فى النهايه بتبقى غاليه عليا بعد كده و بحس بجد انى مبسوطه و أنا لابساها يعنى مبتنتهيش الى كونها مجرد قطعه ملابس
كل سنه و انت طيب و نورت بجد (:
safa7_karmooz
أنا عارفه ان القتل الليلى مش بيأكل عيش اليومين دول (: بس بجد أنصحك تبعد عن أى حاجه فيها هدوم و الا ساعتها هتبقى الضحيه الأولى لحضرتى و هتشوف التعذيب اللى على حق بأه (:
أنا هنا آهوه بس للأسف مشغوله بميت مليون حاجه ... آسفه بجد و أوعدك هحاول أكون موجوده أكتر (:
نورتنى على الآخر
هو انتى مش هتكتبى حاجة جديدة بقى يا دعاء؟؟
السلام عليكم...
وكأني أنا من كتبت الكلمات.......
....
دمتِ بخير
كل شئ هنا بسيط زيك ... بقرالك دايما و أنا مبتسمه
شكرا
كده عان زى اى ست او بنت بصراحه
محدش طايقها وهى بتشترى اى حاجه
الله يكون فى عون اى بائع
إنتي رحتي فين يا بنتي ... جمهورك مستني
وحشتيني :-)))
نهــــــــــار
يسعدنى التشابه بيننا (:
نورتى
enjy
ساعات بدخل فى حاله صمت ... يمكن اتكلم بعدها كتير و يمكن ما أتكلمش ... بس صدقينى بتحصل غصب عنى
من ناحيه تانيه أنا فرحانه بيكى لانى حسيت انك بتستنينى اكتب (:
آسفه بجد و ان شاء الله اكتب بوست قريب
Meso
شكرا ليكى انت لان بجد تعليقك ده خلانى ابتسم (:
نورتى و يا رب تنورينى دايما
صوت من مصر
يسمع منك ربنا انا اهوه بعترف انهم بيشقوا و يتعبوا معانا
و للأسف ما ينفعش يرفعوا قضيه على حد لمجرد ان ذوقه صعب و مختلف (:
نورتنى
ياسمين
جمهورى حته واحده؟! ربنا يخليكى ليا يا سمسمه و تفرحينى بكلامك كده دايما (:
بجد انتى وحشانى اكتر و المدونه وحشانى جدا بس صدقينى هرجع اكتب تانى قريب ان شاء الله
وحشتيني يا بونبوناية:)
كأنني أنا
انت من تملئين عالمى بالفراشات و اليوم ملأتيه ايضا بالحب (:
وحشتينى أكتر بجد
إرسال تعليق