و كما يحدث كل عام ... مع اقتراب شهر رمضان ... تجتاحنى الرغبه فى التغيير ...
لربما كنت ابحث كل مره عن شعور مختلف ... طاقه جديده لاستقبال هذه الأيام الكريمه ...
و دوما ما كنت افتش عن مفردات جديده ...
لعده شهور مضت تركت الملل يطوقنى ... توقفت عن الكتابه فى المدونه و توقفت عن زيارتها خشيه الاعتراف لنفسى بانى لا امارس سوى الاستسلام ...
تعنى لى الكتابه شيئا مختلفا ... تعنى مفردات جديده فى كل يوم و فى كل زاويه ...
التوقف عنها يعنى الاقلاع عن الحياه ...
لكنى ذات ليله وجدت نفسى اعود اليها ... هكذا بلا مقدمات ...
وجدت اصابعى تأخذنى الى هنا ... و وجدتها ايضا تغير من شكل كل شئ ...
لا أدرى حقا لم غيرت القالب القديم رغم انى كنت احبه ... لربما احسست انه لم يعد يعكس ما يسكننى من مشاعر ...
لربما لم يعد متوافقا مع شئ تغير بداخلى ... لربما فقط رغبت فى كسر حواجز الملل ...
لا أدرى ... ان هذا هو ما حدث باختصار !
بالطبع ابقيت على زهرات التيوليب خاصتى لانها تعنى لى شيئا خاصا ... لا أستطيع الكتابه ان لم تكن هناك ...
البعض سيتحدث عن كآبه الأسود ... أنا أعشق هذا اللون من منطلق بعيد كل البعد عن الكآبه ...
اللون المناسب تماما للتقلبات المزاجيه و متقلبى المزاج من فئتى ...
دائما ما يصلح لكسر الرغبه فى التنقل بين الألوان ...
فقط عذرا لكل من لا يعتنق نظريتى فى الأسود ...
كل عام و أنتم بخير ... لكم أوحشنى هذا الشهر الكريم بكل تفاصيله التى أعشقها ...
لكم أوحشنى ذلك الفانوس الصغير الذى أضعه فى جانب المدونه...
رمضان كريم ... اشعر بها بقوه حينما اسمعها ... رمضان كريم جدا بالفعل !
كل عام و أنتم اللى الله أقرب
على الهامش : فى 9 يوليو اللى فات ... عدت بالظبط سنه على تاريخ اول بوست انكتب ...
للأسف مكنتش هنا عشان أحتفل ... بس لقيت ان انسب اعتذار لمدونتى هو انى ارجع اكتب فيها من تانى ...
لأ و مش بس كده ... احنا كنسنا و نفضنا و غيرنا العفش (:
خشوا برجلكم اليمين و صلوا على النبى (:
هناك 8 تعليقات:
السلام عليكم و رحمة الله و بركاته
عليه الصلاة و أفضل السلام ...
دعااااااء ...
كل سنة و انتِ طيبة و بخير دايماً يارب ... :)
بجد جيتي على بالي كتير الفتره اللي كنتِ غايبه فيها ...
مـ تتخيليش فرحتي لما لقيتلك بوست جديد كانت قد ايه ...
اللون الأسود .. ملك الألوان طبعاً ...
و عاجبني عن اللون الأولاني كمان ...
مبرووك رجوعك المدونة ...
و مبرووك مرور سنة و شويه على اول بوست ...
و مبرووك عليكي رمضان ... ;)
يارب نقدر نغيّر فيه حاجه للأحسن ...
بجد فرحانه برجوعك قوي ... (f)
ربنا يسعدك يا قمر دنيا و آخره ... :">
عليه الصلاة والسلام:)
دُعا..
:)
سعدت حقا حين ولجت إلى المدونة هذه المرة ووجدت تدوينة جديدة.., على عكس المرّات السابقة بالطبع ! :)
كل عامٍ وانتِ بخير طبعا ! :)
بدايةً من لحظة دخولى المدونة هذه المرّة..,لاحظت أن شيئا ما اختلف.., لكنى لم أدْرِ ما هو, حتى قرأت كلماتك عن "القالب القديم".., حينها عرفت !! :)
وأرجو ألا تفهمى كلامى هذا على أنه نوعٌ من "الحكمة بأثرٍ رجعىّ"
^_^
مبارك على هذا أيضا ! :)
ومبارك أيضاً على سنة أولى تدوين ! :)...., تمرّ بسرعة تلك السنة,أنا نفسى مرّت علىّ كما البرق لأنى قليل التدوين بطبعى !
:)
إذن..كل عامٍ والمدونة بخير !
رمضان كريم..., وأرجو ألا تطيلى الغيبة فى المرة القادمة..,إن كان هناك واحدة !
:)
فسدقتى الجميله (:
ما تتخيليش فرحتى لما قلتي انى جيت على بالك ... حسيت باحساس جميل اوى (:
اجمل حاجه فى الدنيا ان الانسان يكون عنده ناس بيحبوه و بيفتكروه و هو غايب
ربنا يفرحك زى ما فرحتينى ياااااارب
و الله يبارك فيكى يا قمر و متشكره بجد على كلامك الجميل ده كله
و انا مبسوطه جدا ان التمبليت عجبك ... طلعتى من عشاق الأسود زى حالاتى (:
كل سنه و انتى طيبه و كل رمضان و انتى اللى الله أقرب
و يارب يارب تفضلى تنورينى كده دايما (:
عمرو (:
عارفه و الله انك كنت بتيجى و تشقر عليا
ربنا يخليك يااااارب
انا عن نفسى اتمنى ان تكون هناك الف سنه تدوين قادمه
بس انت ادعيلى بس (:
و بالنسبه للتمبليت ... و لا يهمك
اساسا بيقولوا عن الرجاله ان قوه ملاحظتهم للتفاصيل على قدهم ... عشان كده عاذراك (:
و طبعا طبعا رمضان كريم جدا و كل عام و انت الى الله أقرب
و يارب تفضل دايما تشقر عليا و تنورنى كده (:
و سلامات
مش ملاحظة إن كده كتير قوي ؟؟!!
قدامك أد ايه و ترجعي تاني ؟؟
fOsDö2ä
كل ما الوقت بيعدى كل ما بحس فعلا انى فى وقت حياتى فيه بتتغير و انا نفسى بتغير
لا املك غير انى اقف اتفرج و اندهش
فسامحينى لو مش قادره اتكلم دلوقتى ... لكن اكيد هرجع اتكلم
مفيش حد بيفضل ساكت للأبد (:
تقريبا البوست دة بقاله كتير أوى
أول زيارة للمدونة بس بجد تحفة
سعيد جدا بزيارتى لمدونتك
a7med-Mado
بقاله كتييير كتير اوى (:
متشكره على كلامك الجميل و نورت المدونه
إرسال تعليق